الثلاثاء 16 يوليو 2024

القهوة كالحب | كتبت ياسمين الهجرسي

موقع أيام تريندز

انواع القهوة وتكاتها


1 - القهوه السرياقوسي بتبقي عبارة عن 3 معالق سكر لكل ملعقة بن
( 3 سكر : 1 بن ) ؛
مبدأيا معظم عشاقها بيبقوا غالبا من محدثين القهوة اللي لسه متلطوش ف الحوار أو من النوع اللي بيشربها كل فين و فين ..
قهوة تفضلها النساء في المجمل
و عموما السرياقوسي قهوة طرية لزوم الشاب الطري ف بلاش تطول فيها كتير و إنتقل ع المرحلة اللي بعدها.


2 - القهوة الزيادة بتبقي 2 ملعقة سكر لكل ملعقة بن ( 2 سكر : 1 بن ) 
دايماً بتكون هيا المدخل اللي بتتسحب فيه نحو عالم إدمان القهوة اللذيذ ؛ ﻷنها قهوة سكرها الزيادة بيكسر طعم البن المر اللي لسه ك مبتدئ متعودتش عليه ..
فيه ناس بتستمر في تناول القهوة الزيادة ؛ كييفة الزيادة بيبقوا ناس ف الأغلب بيهتموا بالمظهر علي عكس الجوهر .. ناس مقضينها For Fun و يحبوا يعيشوا التجربة من السطح بدون التطرق للأعماق و بيقفشوا جداً لو القهوة جاتلهم ناقصة سكر و دا يدل علي خوفهم من كل ما هو مظبوط أو مانو ..



3 - القهوة المانو هيا الوسط بين المظبوط و الزيادة ؛ ملعقة و نصف سكر لكل ملعقه بن( 1.5 سكر : 1 بن ) ..
المانو غالباً بيتم اللجوء لها في حالتين : يا إما زهقت من الزيادة و عايز تنتقل للمظبوط و بتتعود تدريجياً علي تقليل السكر ..
يا إما إنتا أصلاً كييف مظبوط بس بتقعد علي قهوة شغال فيها صنايعي فاشل و عمره ما عرف يظبط قهوتك ف بتضطر تطلبها مانو ب نية المظبوط و التكتيك دا ناجح تماماً مع القهوجية الفشلة ..
المانو مرحله إنتقاليه مينفعش تقف عندها كتير ﻷنها ملهاش توصيف دقيق في علم القهوة و الأمزجة !!!