الأربعاء 24 يوليو 2024

مراحل انتهاء العلاقه عند المرأه بقلمي ياسمين الهجرسي

موقع أيام تريندز

مراحل انتهاء العلاقه عند المرأه
ايا كان نوع العلاقه
او مسماها
ثلاث مراحل 
المرحله الأولى
خناق كتير وطلب اهتمام
عايزاك تفضل معاها اكتر
بتطلب وقت واهتمام اكتر
عايزاك تفضلها عن اصحابك وكل الدنيا
بتقولك حرفيا هي محتاجه منك ايه
والطريقه المثلى للتعامل معاها 
بتحكيلك كل تفاصيلها 
وتشاركك كل مشاكلها وتدايق لو مسالتهاش
والمرحلة ديه هي مرحله النكد
وفيها الرجل بيكون قرفان وزهقان ومخڼوق
من الزن والنكد الكتير
وهنا هي لسه بالكامل جوه العلاقه وماسكه فيها
بس خد بالك من اللي جاي
المرحله التانيه
بقت هاديه اكتر اتصالاتها بيك قلت شويه
الخناقات مش كتير
وديه مرحله الراحه عند الرجل 
هو بقا شايف انها اهدى وأفضل 
وهو كده مبسوط وزي الفل
وهنا هي بقت نصها معاك 
والنص التاني مشي وسابك
يعني هي بقت رجل جوه ورجل بره
وهنا خد بالك اوووي واجتهد عشان تلحق الدنيا
قبل ماتوصل
للمرحله التالته والاخيره 
وجودك بالنسبالها
زي عدمك حرفيا 
مفيش كلام ليه قيمه بتشارك فيه
انت تقريبا متعرفش عنها حاجه
مفيش نكد ولا خناق خاااالص 
ولو اټخانقتوا 
اما بتكون بارده في ردود فعلها
وانت مش فارق
او خڼاقها جامد وبايعه الموضوع بالكامل
وهنا احب ابشرك انها بالكامل سابتك
انت مشيت من قلبها ومن العلاقه بالكامل
وانت بقيت ورا ظهرها
حتى لو هي لسه موجوده باي صفه
وكده مهما عملت مش هتعرف
ترجع اهتمامها بيك تاني زي ماكان.
خليك عارف ان الأنثى اللي في حياتك
لو مش بتنكشك وترغي معاك في اي كلام
وترخم عليك زي العيال الصغيره
كل شويه وتغير عليك وتتخانق معاك وتزعل منك
فللاسف 
فانت مبقتش فارقلها
هي مبقتش شيفاك اصلا
فخد بالك وافهم الإشارات