الخميس 25 يوليو 2024

إزاى نسوى اللحمة الكندوز العجوزة

موقع أيام تريندز

🔴 إزاى نسوى اللحمة الكندوز العجوزة (الكبيرة في السن) ونخليها طرية وطعمها جميل 😋

◾اللحمة اللى أصلها ذبيحة سنها كبير بتكون دايما قاسېة وبتاخد وقت طويل جدا فى السوى ومش بتبقى مستصاغة فى الأكل ... عشان كده هقولك على شوية نصايح تخليها تستوى كويس وناخد منها أفضل نتيجة .

🔸الطريقه الأولى ..
هنقوم بدق (طرق) قطعة اللحم من الناحيتين بمدق اللحم او ايد الهون التقيل أو اى أداة ثقيلة .. وده عشان نفك الروابط بين الألياف العضلية لمساعدة مادة الكولاجين اللى بتربطهم ببعض إنها تتحول لمادة الچيلاتين اللى بتدينا الطراوة والنعومة المطلوبة فى حتة اللحمة.
🔸الطريقة الثانية .. 
هى إضافة وسط حامضي مع التتبيلة (ليمون او خل) وده بيأثر على طراوة الكولاجين داخل اللحمة وبيخليه يتحول لجيلاتين بسهولة

🔸الطريقة الثالثة ..
هى إضافة بعض النباتات اللى بتفرز إنزيمات بتساعد على تطرية اللحوم والإسراع من عملية الطهى أثناء عملية السلق ... ومن أشهرها (نوى البلح) وكمان الأناناس وفاكهة الباباز ودول بيستخدموا بشكل كبير فى دول جنوب شرق آسيا.



🔸الطريقة الرابعة ..
إستخدام حلل الضغط (البريستو) فى عملية التسوية وده بيكون له تأثير كبير على تسويتها بشكل جيد.

إستخدام اى طريقة من دول أو استخدامهم مجتمعين هايدينا نتيجة هايلة فى طهى اللحمة مهما كان سنها كبير

🔴 وبشكل عام فى ملحوظتين مهمين فى تسوية اى لحوم حمراء

١- أفضل تسوية للحمة هى اللى على ڼار هاديه جدا لوقت طويل.

٢- تقطيع اللحوم لازم يكون عكس اتجاه النسيج العضلي ، يعنى اتجاه السکينة يكون عمودى على اتجاه النسيج.

⭕ إضافة أخيرة ..
الملح مش بيزود وقت تسوية اللحمة اه والله زى مابقولك كده 🙈😂

بالهنا والشفا وانتظروا اكلة تريند ياسمين الهجرسي 
#ياسمين_الهجرسي